Almenn verkefni 2023
Almenn verkefni 2023
Heiti verkefnis : | Þolhönnun á stálþiljum við íslenskar aðstæður | |
Verkefnastjóri : | ||
Stutt lýsing á verkefninu: | ||
Tilgangur verkefnisins er að fara yfir þolhönnun hafnarbakka á Íslandi. Áhersla er lögð á að bera saman hönnunarálag á stálþil samkvæmt gildandi hönnunarstöðlum (þ.e. fræðileg gildi)[1],[2] og raunverulegt álag m.t.t. byggingaraðferðar og íslenskra aðstæðna. Leitast verður við að leggja mat á eiginlegt álag og þar með öryggi í þolhönnun á stálþiljum hérlendis og hvort stuðla megi að betri nýtingu eða endingu á byggingarefnum með bættum hönnunaraðferðum. Þá er sérstaklega horft til þess að skoða hvernig jarðþrýstingur á stálþil þróast við niðurrekstur í skurð eða náttúrulega botn, við bakfyllingu og stögun, frágang á kantbitum og þekju, dýpkunar og að lokum þegar hafnarbakkinn er tekinn í notkun. | ||
Tilgangur og markmið: | ||
Tilgangur þessa verkefnis er að útbúa yfirlit yfir þær hönnunaraðferðir sem notaðar eru við þolhönnun á stálþiljum fyrir íslenska hafnarbakka og bera saman við raunverulegt spennuástand í stálþilsplötum m.t.t. byggingaraðferðar og íslenskra aðstæðna, s.s. jarðefni bakfyllingar og jarðgrunn. Áætlað er að það verði gert með eftirfarandi atriðum: 1. Taka saman yfirlit yfir þær aðferðir sem notaðar eru í þolhönnun hafnarbakka á Íslandi 2. Gera grein fyrir mismunandi byggingaraðferðum 3. Vinna fræðilega samantekt á væntri spennuaukningu í stálþili m.t.t. punkts 2 4. Greina mismuninn á punkti 1 og punkti 3, t.d. með reiknilíkönum sem notast við einingaaðferðina 5. Einnig verður kannaður fýsileiki þess að mæla spennuástand beint í stálþilsplötum á mismunandi byggingarstigum Skoðað verður hvernig jarðþrýstingur á stálþil (og þar með hönnunarálag) þróast við niðurrekstur í skurð eða náttúrulegan botn (hvíluþrýstingur), við bakfyllingu og stögun (passíft og aktíft ástand), frágang á kantbitum og þekju, dýpkunar og að lokum þegar hafnarbakkinn er tekinn í notkun. Markmiðið er að leggja mat á öryggi og efnisþörf við hönnun stálþilsbryggja hérlendis. |